Grunge

1980ko hamarkadaren bigarren erditik aurrera, Grunge izeneko mugimendu musikal bat sortu zen Estatu Batuetako iparraldean. Seattle inguruan izan zuen eragin gehien eta musika estiloa ez ezik, janzkera eta bizitzarekiko jarrera ezkorra ere zituen ezaugarri.

Grunge-ak Hard Rock, Punk eta Indie bezalako estiloak tartekatzen ditu pop rock musikaren soinura asko hurbilduz, baina puntu garratzago batekin. Melodia errepikakorra eta distortsionatutako gitarrek soinu berezia eman zioten estiloari eta 90ko hamarkadan mundu osora zabaldu zen.

Nirvana eta Pearl Jam izan ziren estilo honen ordezkari nagusiak, baina beste talde askok eta askok jo zuten musika estilo hau, Alice in Chains, Green River, Dinosaur Jr. eta Love Battery beste askoren artean.

Gurnge musika 90. hamarkadaren erditik aurrera gainbeheran hasi zen, lortutako ospe komertzial handia, gutxi-gutxika galduz. Beheraldi honek bi arrazoi nagusi izan zituen: Grunge musikaren pentsamoldeei jarraituz, taldekide askok lortutako ospea komertziala ezeztatzen joan ziren eta horrela talde askoren banaketa etorri zen; beste faktorea musika estiloaren gogortasunak ez zuen beti publikoarekin ondo konektatzen eta ondorioz, Grunge lasaiagoa egiten zuten talde berri asko, ospea lortzen hasi ziren.